“Ən yaxşı fotoşəkil” müsabiqəsinin qalibləri mükafatlandırıldı
09 aprel 2011 11:27 (UTC +04:00)

“Ən yaxşı fotoşəkil” müsabiqəsinin qalibləri mükafatlandırıldı

Lent.az-ın məlumatına görə, Azərbaycanda və dünyada yaşayan müxtəlif xalqlar, mədəniyyətlər və dinlər arasında birgə yaşama ənənələrinə, dialoq və əməkdaşlığın təbliğinə xidmət edən fotomüsabiqənin qalibləri aprelin 8-də “Buta” sarayında mükafatlandırılıblar.

Tədbirdə çıxış edən mədəniyyət və turizm naziri Əbülfəs Qarayev forumun öz işini uğurla başa çatdırdığını deyib. Nazir bildirib ki, forumun keçirildiyi “Gülüstan” sarayında açılmış fotosərgidə yüzdən çox əsər nümayiş olunub. Forum iştirakçıları qalibləri gizli səsvermə yolu ilə müəyyənləşdiriblər.

Müsabiqənin nəticələrinə əsasən, Şirin Rzayeva “Xınalıqda bir oğlan” adlı əsərinə görə birinci, Rafiq Qəmbərov “Biz bir ailəliyik” fotoşəkilinə görə ikinci, Fərid Xayrulin “Mədəniyyətlərin dialoqu” adlı fotosuna görə üçüncü yerə layiq görülüb. Qaliblərə diplom və pul mükafatı verilib.

Xəyalə
# 475

Oxşar yazılar