İndi də növbə “köçkün teatrları”ndadır
09 noyabr 2010 14:50 (UTC +04:00)

İndi də növbə “köçkün teatrları”ndadır

Lent.az-ın məlumatına görə, bunu jurnalistlərə açıqlamasında mədəniyyət və turizm naziri Əbülfəs Qarayev deyib. Nazir bildirib ki, növbəti təmir işləri Şəki teatrında aparılacaq: “Mingəçevir teatrının təmiri artıq başa çatmaqdadır. Lənkəran teatrı təmir olunub. Naxçıvan Teatrı çox gözəl bərpa edilib. Bu proses davam edəcək. “Köçkün teatrları”nda da təmir işlərinin aparılması, texniki bazasının genişləndirilməsi nəzərdə tutulur”.

Əbülfəs Qarayev bu yaxınlarda Şuşa Dövlət Musiqili Dram Teatrının tamaşasında olduğunu və çox məmnun qaldığını da vurğulayıb. O teatrın yerləşdiyi binanın da əsaslı təmir olunacağını deyib: “Köçkün teatrları”nda da peşəkar qrup və aktyorlar var. Heç kim onları peşəkarsızlıqda ittiham edə bilməz. Orada yüksək səviyyəli, peşəkar tamaşalar hazırlanır. Bu bizə əsas verir ki, bu teatrlara daha böyük önəm verək, ciddi yanaşaq və onlar üçün lazımi şəraiti yaradaq”.

Xəyalə Muradlı
# 609

Oxşar yazılar