Müslüm Maqomayev 12 “apostol”dan biri oldu

Rusiyalı rəssam Aleksandr Lavrov qeyri-adi instalyasiya yaradıb.

Lent.az-ın Bakı şəhər Mədəniyyət və Turizm İdarəsinin rəsmi saytına istinadən verdiyi xəbərə görə, bu instalyasiyaya Rusiya şou-biznesinin və estradasının 12 “apostolu” daxil edilib. Onların arasında Müslüm Maqomayev də var. Digərləri isə Alla Puqaçeva, Vladimir Vısotskiy, Maya Kristalinskaya, Aleksandr Vertinskiy, “Pesnyari” qrupunun solisti Vladimir Mulyavin, İosif Kabzon, Leonid Utyosov, Klavdiya Şuljenko, Viktor Soy, Lyudmila Zikinadır. Hər bir portretin altında belə yazılar öz əksini tapıb: “Volodya sən əlasan”, “Soy yaşayır, Soy bizimlədir”, “Mən səni sevirəm Alloçka” və s.

Rəssamın sözlərinə görə, o, bu iş üzərində bir aya yaxın işləyib. Bu müddət ərzində internetdən həmin ulduzların 12 şəkilini seçib, onların ağ-qara rəsmlərini çəkib. Sonra printer vasitəsilə çap edib və şəhərin mərkəzində “Nijqorodun Arbati” adlanan məkanda olan yerdən asıb.