Avropanın bir neçə ölkəsində Azərbaycan mədəniyyət günləri keçiriləcək

“Bu il biz İsveçrədə Azərbaycan mədəniyyətinə həs olunmuş 100 günlük tədbirlər silsiləsini həyat keçirdik. Eyni zamanda, növbəti ildə Avropanın bir neçə ölkəsində mədəniyyət günlərinin keçirilməsi nəzərdə tutulub. Bir də növbəti ildə 10-15 nüfuzlu turizm sərgisi keçirmək fikrindəyik, bunun üçün bizim xüsusiləşdirilmiş təbliğat mexanizmi işə başlaycaq”. Lent.az-ın məlumatına görə, bunu jurnalistlərə açıqlamasında mədəniyyət və turizm naziri Əbülfəs Qarayev deyib.

Nazir qarşıdakı ildə diqqət mərkəzində olacaq məsələlərə də toxunub: “Həm mədəniyyət, həm də turizm sahəsində qanunvericilik və normativ hüquqi bazanın təkmilləşdirilməsinə xüsusi əhəmiyyət verməliyik. Yeni iqtisadi qanunların tətbiq olunmasına mədəniyyət sahəsi daha ciddi əməl etməlidir. Keçən il apardığımız islahatlar ondan xəbər verir ki, teatrlar və mədəniyyət ocaqları bu yeni iqtisadi münasibətlərdə öz yerini tutmaq üçün daha qətiyyətli çıxış etməlidir”.

Lalə Yusifqızı