Xanəndədən fərqli pozalar –

Müğənninin Lent.az-a veridyi məlumata görə, sentyabrın sonlarına təqdimat planlaşdıran sənətçi həm fotosessiyasını təqdim edəcək, həm də yeniliklərini bölüşəcək.

Müğənni bildirib ki, o, uzun fasilədən sonra disk çıxaracaq. Bu diskə daxil olan mahnıların musiqisi Türkiyədə lentə yazılır. İlahə bildirib ki, bəstəkar İsmayıl Əsədovun təşəbbüsü ilə mahnılarını türk musiqi alətlərinin müşayiəti ilə yazdırır. O, təcrübəli studiyaların biri ilə əməkdaşlıq edir. Eyni zamanda onun rəsmi saytı yaxın günlərdə istifadəyə veriləcək.

Yeni fotosessiyalarından danışan müğənni bildirib ki, fərqlilik etmək üçün bu addımı atıb: “SıraVi çəkilişləri sevmirəm. Özüm fotoqrafdan fərqli seçim etməyini istədim və buna nail oldum. Bəlkə də, bəzi insanlar düşünər ki, xanəndəliklə fotolara verilən obrazlar uyğunsuzdur. Mən yenilik etmək istədim. Bu fərqliliyi sözlə bitirmək istəmirəm. Publika yaxın zamanlarda foto görüntülərimi izləyəcək və qiymətini verəcək. Düşünürəm ki, bu, nəinki xalq musiqisi, hə də müasir ifaçılar üçün də yenilik olacaq. Ümumiyyətlə, sənətimdə, imicimdə hər şeyin yenisinə, yaxşısına çalışıram”.