Qəlbi pis insanlar daha çalışqan olur

Mütəxəssislər pis insanların daha çalışqan olduğunu açıqlayıb.

Lent.az xarici mediaya istinadən xəbər verir ki, belə insanlar məqsədlərinə çatmaq üçün daha çox səy göstərirlər.

Texas Universitetinin alimləri bununla bağlı araşdırma aparıb və müəyyən ediblər ki, yüksək nəticələr əldə etmək üçün qəzəbli olmaq lazımdır. Bir qayda olaraq, bu hissi yaşayan insanlar müəyyən işləri yerinə yetirmək üçün daha çox səy göstərirlər.

Tədqiqatda 233 tələbə iştirak edib. Onlara xoşbəxtlik, kədər və ya qəzəb doğuran müxtəlif görüntülər nümayiş etdirilib (bu halda, məsələn, universitetin futbol komandasını təhqir edən mətnlərdən istifadə olunub). Daha sonra könüllülərə çətin anaqramlar seçimi verilib və onlar içindəki sözləri taparaq 20 dəqiqə ərzində deşifrə etməli olublar.

Məlum olub ki, insanlar əsəbiləşəndə təslim olmaq əvəzinə çətin anaqramlara daha çox vaxt sərf edərək daha çox çalışıblar. Lakin ikinci təcrübə göstərib ki, bu hiss insanları testlərdə aldatmağa sövq edir.

Başqa bir təcrübədə könüllülərdən xizək sürmə video oyununda yüksək bal toplamaq tələb olunurdu. Bir versiyada yalnız tullanmalar nəzərdə tutulurdu, digəri isə daha çətin versiyada slalom kursunda bayraqları yıxmamaq tələb olunurdu. Məhz ikinci halda iştirakçılar qəzəbləndikdə daha yaxşı nəticələr əldə ediblər. Alimlər deyirlər ki, hirslənən insanların reaksiyaları daha sürətli olur.

Tədqiqatçılar vurğulayıblar ki, insanlar məqsədlərinə çatmaq üçün yalnız müsbət emosiyalardan istifadə edirlər. Ancaq təcrübələr göstərir ki, onları mənfi olanlarla birləşdirmək bəzi hallarda xüsusilə təsirli ola bilər.