Niyə corab geyilməlidir? – Mütəxəssislər açıqladı

Mütəxəssislər istənilən havada corabla yatmaq lazım olduğunu bildirib.

Lent.az xarici mediaya istinadən xəbər verir ki, corablar daha tez yuxuya getməyimizə kömək edir.

Həmçinin, corabla yatmaq yuxunuzun daha dərin və sağlam olmasına da şərait yaradır. Ancaq isti havalarda yüngül, nazik corablardan istifadə etmək lazımdır.

Onu geyinsəniz, bədən istiliyiniz bir neçə dərəcə yüksələcək və bundan sonra rahatlamanıza kömək edəcək. Daha sonra temperatur yenidən düşəcək. Bu yatmaq vaxtı olduğuna dair bir siqnaldır. Məhz bu proseslər tez yatmaq və yuxuya getmək üçün təbii istək hiss etdikdə baş verir. Beləliklə, bu sadə hiylə sizə daha tez yuxuya getməyə və daha dərin yuxu yaşamağa yardım edəcək.

Mütəxəssislər yatmazdan əvvəl corablarınızı 10-15 dəqiqə geyinməyi və artıq yuxuya getdiyinizi hiss etdikdə onu çıxarmağı təklif edir. Eyni effekti ayaqlarınızı isti vannaya salmaqla da əldə etmək olar. Yuxunu daha da yaxşılaşdırmaq üçün ona bir neçə damcı lavanda yağı əlavə edə bilərsiniz.