Bəzi alimlər hesab edirlər ki, cəmi 25-30 ildən sonra insanların qida rasionu kəskin şəkildə dəyişə bilər.
Lent.az xəbər verir ki, alimlər gələcək qidalanma ilə bağlı olduqca təəccüblü mənzərələr təsvir edirlər: 3D-printerdə hazırlanmış əriştədən tutmuş, birbaşa insanın üzərində qida yetişdirə bilən geyimlərə qədər. 2050-ci ilə qədər adi qida rasionu köklü şəkildə dəyişə bilər. Futuristlər Morqen Gey və Cozef Purun araşdırması sabahın mümkün kulinariya reallığına nəzər salmağı təklif edir.
Gələcəyin qidası: o necə ola bilər
Tədqiqatçıların fikrincə, bizi sadəcə məhsulların dəyişməsi deyil, qidanın mahiyyətinin yenidən dərk edilməsi gözləyir. Rasionun əsasını bu gün az populyar olsa da, son dərəcə davamlı və qidalı bitkilər təşkil edəcək: dəniz yosunları (laminariya), sorqo, tef, balqabaq tumları, zəncirotu, həmçinin kinoa bitkisinin yaxın qohumları olan ekzotik dənli bitkilər kanihua və kivicha. Bütün bunlar 3D-çap texnologiyası ilə, emal olunmuş üzvi qalıqlardan istifadə edilməklə hazırlanacaq.
“Biz qidalanmadakı dəyişikliklərdən qaça bilməyəcəyik. Lakin kulinariya insanlar və təbiət arasında emosional və mədəni əlaqəni qoruyub saxlayacaq. Rəqəmsal dövrdə belə ev mətbəxinin yaratdığı rahatlıq öz əhəmiyyətini itirməyəcək”, - Morqen Gey əmindir.
Gündəlik həyatda yeni məhsullar
Artıq əsrin ortalarına doğru ənənəvi ət və buğdanın yerini aşağıdakı məhsullar tuta bilər:
zəncirotu
laminariya
sorqo
balqabaq tumları
tef
kanihua və kivicha
Bu bitkilər iqlim dəyişikliyinə davamlı, becərilməsi ucuz və qidalı alternativlər kimi fəal şəkildə araşdırılır.
Yeməklər necə olacaq?
2050-ci ilin menyusu belə görünə bilər:
3D-printerdə çap olunmuş göbələk küftələri
kaktusdan hazırlanmış vegan “toyuq” ilə dəniz yosunu əriştəsi
tempe, sorqo və balqabaq tumları ilə skandinav üslublu ramen
kök yarpaqları, badımcan və noxuddan hazırlanmış pesto
Əsas məqsəd tullantıların minimuma endirilməsi və maksimum faydanın əldə olunmasıdır. Daha bir gözlənilməz trend qida yetişdirilməsi üçün mühit rolunu oynaya bilən geyimlərdir. Alimlər artıq bu konsepsiyanı ekoloji cəhətdən məsuliyyətli həyat tərzinə, tullantıların azaldılmasına və şüurlu istehlaka doğru bir addım kimi nəzərdən keçirirlər.
Bizi Telegram-da izləyin
t.me/lent_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
