İlin sonunda YouTube ən çox izlənən adları, mövzuları və musiqi trendlərini açıqladı. Tamaşaçılar əvvəlki illərdə olduğu kimi böyük şouları, güclü musiqi relizlərini, uzun canlı söhbətləri və qlobal pop-mədəniyyət françizalarını üstün tutdular.
Lent.az YouTube üzrə ilin mütləq liderlərini təqdim edir.
İlin musiqi hiti - Bruno Mars və Lady Gaga “Die With a Smile”
Bruno Mars və Ledi Qaqa tərəfindən ifa olunan emosional balada 2025-in əsas səs izi olub. Güclü vokallar, dramatik hekayə və zamanın əhvalına mükəmməl uyğunluq bu trekə hər yerdə rast gəlinməsinə səbəb olub: Shorts videolarında, fan roliklərində, coverlarda və tövsiyələrdə. Mahnı sözün əsl mənasında bütün il platformada “yaşayıb”.
YouTube Shorts-un kralı - Forrest Frank “Your Way’s Better”
Qısa formatda qalib Forrest Frank-ın “Your Way’s Better” treki olub. Yüngül, pozitiv və ritmik kompozisiya rəqslər, həyat tərzi videoları, yumor və bütün növ trendlər üçün universal audioya çevrilib. Bu səs altında çəkilən hər yeni video dərhal tövsiyələrə düşür və növbəti viral dalğanı başladıb.
İlin bloggeri - MrBeast
MrBeast ardıcıl ikinci il planetin ən təsirli kontent yaradıcısı statusunu təsdiqləyib. Formul dəyişməsə də miqyas kosmik səviyyəyə çatıb: milyonluq büdcələr, kino dünyalarının yenidən qurulması, çılğın çağırışlar və yüz milyonlarla baxış toplayan xeyriyyə layihələri. 2025 ona rekord səviyyədə kollaborasiyalar, bütün sosial şəbəkələrə yayılan viral roliklər və milyonların qoşulduğu sosial təşəbbüslər gətirib. MrBeast-ın hər yeni videosu əvvəlkindən daha bahalı, daha gurultulu və daha iddialı görünür - auditoriya isə bunu izləməyə hər dəfə hazırdır.
İlin podkasteri - Co Roqan
Co Roqan yenidən YouTube-un əsas podkasteri seçilib. Alimlər, idmançılar, siyasətçilər, komediyaçılar və ictimai intellektuallarla çoxsaatlıq söhbətləri hələ də mədəni fenomen olaraq qalır. Sirlər sadədir: əvvəlcədən hazırlanmış cavablar yoxdur, mediada həftələrlə müzakirə olunan provokativ mövzular və tam səmimiyyət. Hətta 3–4 saatlıq epizodlar belə on milyonlarla baxış toplayır. 2025-də Rogan uzunformatlı söhbət şoularına yön verən əsas şəxs kimi mövqeyini tam möhkəmləndirib.
İlin mövzusu - “Squid Game”
Bəli, yenə o. İlk mövsüm 2021-də çıxmasına baxmayaraq, “Squid Game” 2025-də yeni bir çılğın populyarlıq dalğası yaşayıb. Yeni mövsümlər, spin-offlar, realiti-şoular, interaktiv layihələr və real mükafatlı yarışmalar françizanı ayrıca bir kainata çevirib. Tamaşaçılar reaksiyalar, təhlillər, fan nəzəriyyələri, final izahları və əlbəttə ki, kreal həyatda öz “squid game”lərini təşkil edən kreyterlərin videolarını kütləvi şəkildə izləyib. Squid Game illərdir YouTube axtarışında birinci yeri qoruyan yeganə serial olaraq qalır.
Bizi Telegram-da izləyin
t.me/lent_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
