Müğənni Xatirə İslam ötən gün “Qarabağ”ın Avropa Liqasının qrup mərhələsinin VI turunda İtaliyanın “İnter” klubu ilə oyununu izləməyə həyat yoldaşı Fəxrəddin Musazadə ilə birgə gəlib. Lent.az-ın məlumatına görə, ifaçı oyundan öncə “Qarabağ” klubuna həsr etdiyi mahnını oxuyub. Daha sonra oyunu izləmək üçün azarkeşlərin sırasında əyləşən müğənni həyat yoldaşı F.Musazadə və “Qarabağ”ın zədəli oyunçusu Reynaldo ilə birgə şəkil çəkdirərək, sosial şəbəkədə paylaşıb.
Onu da əlavə edək ki, X.İslamın ifa etdiyi “Qarabağ” mahnısının sözləri Rauf Sübhiyə, musiqisi, aranjemanı Rabil Səfərliyə məxsusdur.
Qeyd edək ki, ötən gün Tofiq Bəhramov adına Respublika stadionunda baş tutan “Qarabağ” – “İnter” oyunu qolsuz heç-heçə ilə yekunlaşıb.