Xalq artistindən Röyaya xoş sözlər: "...yalnız ona qulaq asıram”

“Azərbaycanda çox nadir ifaçılara qulaq asıram. Xanımlardan bəyəndiyim ifaçı Röya Ayxandır. Onun səsi ürəyə yatımlıdır”. Bu sözləri Lent.az-a xalq artisti Yalçın Rzazadə şou-biznesdə ifasını bəyəndiyi məşhurlardan söz açarkən deyib: “Demək olar ki, televiziyada yayımlanan verilişlərə baxmıram. Hətta baxanda da görürəm ki, şou-bizneslə bağlıdı kanalı tez çevirirəm. Qulağımız yaxşı musiqi üçün acdır. Mənim könlümü ala biləcək mahnılar çox azdır. Çünki mən korifey sənətçiləri dinləyib, bəhrələnmişəm. Bu gün də onlara qulaq asıram. Amma yeni çıxan müğənnilərdən demək olar ki, heç kimi dinləmirəm. Məsəlçün kişilərdən Azər Zeynalov, İlqar Muradova, Cavid Hüseynə qulaq asa bilərəm. Xanımlardan isə Röyaya qulaq asıram. Onu bəyəndiyimi ilk dəfədir ki, sizə söyləyirəm”.