Rəqsanədən şok ittiham: "Ərim ola-ola, sevgilimlə kef etmirəm"

Müğənni Rəqsanə İsmayılova özündən çıxıb.

Lent.az-ın məlumatına görə, buna səbəb ifaçının “Gündəlik” verilişində geyindiyi libasının müzakirə olunmasıdır: “Bu şəkilləri qoyuram ki, bəzi ağzıgöyçəklər mənə özümü Röyaya bənzətdiyimi deyirlər. Baxın, kor olmuş gözünüzlə. Bu pencək adlandırdığınız geyimi mən 2013-cü ildə geyinib fotosessiya etdirmişəm. Heç nə yazmaq istəmirdim. Sadəcə səbrim daşdı. O ki qaldı Röyaya, o da bizim xalqın, millətin övladıdır. Lap əcəb edib, o da açıq geyinib. Mən də həmçinin. Allaha şükür, düşmənlərimizə bənzəməmişik ki?! Hamınız namus, qeyrət dərsi keçən olmusunuz. Xoşunuz gəlmir, baxmayın. Bəzi sənət nümayəndələri kimi ərim ola-ola bu tərəfdə sevgili ilə kef etmirəm?! Efirə də çıxanda ailəli qadınam, ərim var demirəm. Düz nədir, onu deyirəm. Onu da geyinirəm. Xoşu gəlməyən baxmasın. Əslində sizin kimi qanmaz insanlara maskalanıb çöldə min iş görən, efirdə özünü xanım kimi təqdim edən insanlar lazımdır”.