Murad Arif: "Ayazdan incimirəm, amma..."

Mətbuatda bəstəkar-aparıcı Murad Ariflə müğənni Ayaz Qasımov arasında anlaşılmazlıq yaşandığı qeyd olunub. Lent.az-ın məlumatına görə, M. Arifin ifa etdiyi “Tavla” türk mahnısına görə Ayaz Qasımovdan incidiyi deyilir. Məlumatı dəqiqləşdirmək üçün M.Ariflə əlaqə saxladıq. O isə mövzuya bu cür aydınlıq gətirdi: “Ayazdan qətiyyən inciməmişəm. Ümumiyyətlə, bu o qədər ciddi səbəb deyil ki, mən əsəbiləşim. Sadəcə media adi bir şeyi şişirdib qalmaqal səviyyəsinə çatdırmağı çox sevir. Ayazın məndən sonra “Tavla” mahnısına müraciət etməsinə münasibətimi soruşdular. Fikrim belədir ki, əgər bir həmkar hansısa mahnını oxuyub gündəmə gətirirsə, o işin tanınmasına maliyyə, əmək və vaxt xərcləyirsə, digər həmkarların da o mahnını oxuması doğru hərəkət deyil. Sadəcə Ayazdan xahiş etdim ki, oxumasın. Ancaq oxudu. Nə deyəsən? Yaxşı elədi, canı sağ olsun. Men bunu etməzdim. Amma arada inciklik və əsəb qətiyyən ola bilməz. Men öz ifama və İsgəndər Paydaşın mənim üçün yığdığı aranjemanına güvənirəm”.