Firuzə İbadovadan sərt açıqlama: “...böyük-kiçik yerini bilmir”

“Şou-biznesdə bir çoxları böyük-kiçik yeri bilmir. Dünən əlinə mikrofon alıb, iki-üç mahnı oxuyanlar illərin sənətkarlarına qarşı hörmətsizlik edirlər”. Bu sözləri Lent.az-a əməkdar artist Firuzə İbadova deyib. Xanım müğənni şou-biznesin hazırkı durumundan narahat olduğunu bildirdi: “Mən anlaya bilmirəm ki, hörmətsizlik, böyük-kiçik yerini bilməyən müğənnilər bu hərəkətləri ilə nə demək istəyirlər? Amma bu sözləri hamısına şamil etmirəm. Mən hazırda orta yaş dövründəyəm. Lakin mən olduğum məkanda məndən bir-iki yaş böyük insan içəri daxil olan zaman ayağa qalxıram. Çünki, bunu müəllimlərimdən öyrənmişəm. Belə görüb-götürmüşəm. Amma çox əfsuslar olsun ki, bizdən sonra gələn bəzi müğənnilər böyük-kiçik yerini bilmir. Nə olsun ki, indi onlar 5 minə, 10 minə toya gedirlər? O qiymətə layiq ifaçı olmaq lazımdır. Mən el məclislərinə həmin ifaçılardan aşağı qiymətə getsəm də, sənətim onlardan qat-qat böyükdür. Bunu mən illərimə və peşəkarlığıma əsaslanıb deyirəm”.