Fatimə Hindistandan sonra Türkiyəyə gedir

Hindistanda keçirilən “Udbhav international Dance Carnival” rəqs müsabiqəsindən Azərbaycana qalibiyyətlə qayıdan rəqqasə Fatimə Fətəliyeva növbəti sınaq qarşısındadır. Lent.az-a açıqlama verən rəqqasə bildirib ki, o, Türkiyədə keçirilən festivala qatılacaq: “Hindistanda qalib gəlməyim həm də Azərbaycanın uğurudur. Amma qalib gəlməyim bir çoxlarını sevindirsə də, uğuruma görə narahat olanlar da oldu. Bu cür halların olmasına artıq alışmışam. Əsası odur ki, mən öz işimdəyəm. Müsabiqədən Azərbaycana qayıdanda isə məni hava limanında dostlarım - prodüser Tolik, Rövşən İlknuri, prodüserim Aysel qarşıladı. Çox sağ olsunlar. Artıq növbəti festivala hazırlaşıram. Hindistanda festivalda çıxışımdan sonra noyabrın 14-də Türkiyənin Mersin şəhərində keçirilən festivala dəvət aldım. Bir neçə gün düşündükdən sonra razılıq verdim. Düşünürəm ki, Türkiyədən də Azərbaycana uğurlu nəticə ilə qayıdacam”.