“AzTV”-nin keçmiş aparıcısı Esmira Çərkəzqızının üçəm körpələri Türkiyənin məşhur “Möhtəşəm Yüz Yıl” serialında çəkiliblər. Hazırda Türkiyədə yaşayan aparıcı Lent.az-a açıqlama verərək bildirib ki, təklif onlar üçün gözlənilməz olub: “Sözün düzü, bu təklifi “Möhtəşəm Yüz Yıl” serialının komandasından gözləmirdim. Təklif mənim üçün sürpriz oldu. Belə ki, həmin filimin rejissorları ekran işində rol almaq üçün üçəm körpə axtarırmış. Uşaqlarımı dünyaya gətirdiyim “Acı badem” xəstəxanasından isə mənim körpələrimin şəkillərini göstəriblər. Filmi çəkənlər də bəyənib bizlə əlaqə saxladılar, danışdıq, razılaşdıq. Yanvarın əvvəllərində çəkilişlər başladı və serialın dünənki bölümündə yayımlandı.
Aparıcı onu da əlavə edib ki, övladları ilə bağlı ona növbəti reklam təklifləri də gəlib.
Qeyd edək ki, türkiyəli hərbçi Tayyar Sayğılı ilə ailə quran E.Çərkəzqızının üçəm (2 oğlu, 1 qızı)övladı var.
Bizi Telegram-da izləyin
t.me/lent_az
Bizi Instagram-da izləyin
Bizi Facebook-da izləyin
Bizi Twitter-da izləyin
