Aygün Kazımova qızı haqqında: “...anası ingilisdir”

Xalq artisti Aygün Kazımova qızı İlqarə Kazımovanın Azərbaycan şou-biznesində bənzərinin olmadığını söyləyib. Lent.az-a açıqlama verən A.Kazımova bildirib ki, övladı çox fərqli bir müğənnidir: "Onun gələcəyi parlaqdır. O, gələcəkdə seçilən ifaçı olacaq. Çünki janrı fərqlidir. İlqarə ərəb, rus, ingilis dillərində çox gözəl oxuyur. Elə bil anası ingilisdir (gülür). İmici də fərqlidir. Səlis diksiyası var. İlqarədə Azərbaycan estradasına yaraşan bir müğənninin xüsusiyyətləri cəmləşib. Ən əsası da odur ki, qızımla mən fərqli üslublardayıq. Həm energetik baxımdan, həm də səhnədə performans cəhətdən. Öz qızım olduğuna görə tərifləmirəm. Sadəcə olanı deyirəm. Hazırda qızım haqqında yox, müğənni İlqarə barəsində fikirlərimi dedim”.