Erotik filmlərin ulduzunu seks kaseti görüntüləri xəstələndirdi

Məşhur aktrisa, “Playboy” gözəli Pamela Anderson yenidən seks kaseti söhbəti ilə gündəmə gəlib.

Lent.az xarici mediaya istinadən xəbər verir ki, aktrisa bu görüntülərin onun psixologiyasını pozduğunu və xəstələndirdiyini deyib.

Qeyd edək ki, illər öncə Pamela Andersonun keçmiş əri Tomi Li ilə intim görüntüləri olan videokaset evlərindən oğurlanmış və müxtəlif platformalarda yayımlanmışdı.

Pamela və Tomi

Hər zaman çılpaq görüntüləri, erotik rolları ilə göz önündə olan aktrisanı bu hadisə çox pərişan eləmiş və xəstələndirmişdi. Maraqlıdır ki, illər sonra həmin görüntülər yenidən üzə çıxıb və Pamela onları internetdən yığışdırmaq üçün əməlli-başlı maliyyə sərf edir. Bunu nə üçün etdiyini heç kim anlamır. Çünki Pamelanın yetərli qədər erotik filmləri və şəkilləri var. Məhz keçmiş əri ilə olan görüntülərə görə nə üçün xəstələnir? O, bunun sirrini heç kimə açmır.

Bu yaxınlarda rəqəmsal platformada Pamela Anderson barədə çəkilmiş “Pamela, bir sevgi hekayəsi” adlı sənədli filmin təqdimatı olacaq. Pamelanın seks kasetlərinə görə yenidən xəstələnməsi xəbəri əslində 56 yaşlı aktrisanın diqqəti üzərinə çəkmək, filmin baxış sayını artırmaq cəhdi kimi qiymətləndirilir.

Tanımayanlar üçün qeyd edək ki, Holluvud ulduzu Pamela Anderson filmlərdə oynadığı rollardan çox bədəni, sinəsinə və genetal bölgəsinə etdirdiyi plastik əməliyyatları, eləcə də sevgi macəraları ilə yadda qalıb.

O, 1989-cu ilin yazında Kanadada futbol oyununu izləməyə gedərkən kameralar futbol sahəsindən çox bu gözəl qızı göstərmişdi. Həmin an meydandakı kişilərin hamısı ayağa qalxıb, onu alqışlamışdı. Elə bununla da gözəl Pamelanın ulduz yolçuluğu başladı.

Həmin il “Playboy” kişi jurnalının üz qabığında çılpaq şəkilləri yayımlanan Pamela bu jurnalın daimi “hədəf”inə çevrildi, modellik təklifi və erotik filmlərdə aktrisa kimi rollar aldı.

İlk əri Tomi Li ilə tanışlıqdan 4 gün sonra evləndi və 2 oğlu oldu. 3 il sürən bu ailə həyatı onun ən uzunömürlü evliliyi olub. Tomidən sonra 5 dəfə ərə gedən Pamela hər əri ilə cəmi 1 il yaşaya bilib.