Bred Pitt iki qadını aldadıb 362 min dollarlarını oğurladı

Saxta Bred Pitt iki qadını sevgi vədləri ilə aldadaraq 362 min dollarlarını alıb.

Lent.az-ın xarici mediaya istinadən xəbərinə görə, İspaniya polisi özünü Hollivud ulduzu Bred Pitt kimi təqdim edərək iki qadını 362 min dollar aldadan beş nəfəri həbs edib.

Bir qadın fırıldaqçılara 195.000 dollar, digəri isə 167.000 dollar verib.

Fırıldaqçılar hər iki qurbanla Brad Pitt fan saytı vasitəsilə əlaqə saxlayıb və aktyorun onlarla müxtəlif layihələrə investisiya etmək istədiyinə inandıra biliblər.

Kibercinayətkarlar onların sosial şəbəkələrini araşdırıb və psixoloji profilini hazırlayaraq aşkar ediblər ki, hər iki qadın həssasdır, depressiyadan əziyyət çəkir və məhəbbətdən məhrumdur.

Onlar romantik münasibət və evlilik vəd edən "Bred Pittin" özü ilə WhatsApp vasitəsilə danışıblar.

Hər iki qadın aldadıldıqlarını anlayana və polisə müraciət edənə qədər saxta Pittə çoxsaylı bank köçürmələri edib.