Müğənni Larisa Dolina Əbu-Dabidəki lüks oteldə qalmaq üçün 1,4 milyon rubl (17 min dollardan çox) ödəyib.
Lent.az-ın xarici mediaya istinadla məlumatına görə, söhbət Dolinanın qızı və nəvəsi ilə iki həftə keçirdiyi Rixos Premium Saadiyat Island otelindən gedir.
Bildirildiyinə görə, sənətçi Ultra All-Inclusive xidmətləri olan premium nömrədə qalıb. Onun yeddi restoran, bar, spa, hovuz və fitness mərkəzinə çıxışı olub.
Qeyd edilir ki, Dolina vaxtının çox hissəsini otağında keçirib. Gündüzlər o, dənizə girmək imkanı olub. Şahidlərin sözlərinə görə, Dolina məcburi qovulması xəbəri yayılanda qəlyan çəkərək gülüb. Oteldəki qonşuları müğənninin ünsiyyətcil və mehriban olduğunu bildiriblər.
Larisa Dolina Xamovnikidəki mənzilini Polina Luryeyə 112 milyon rubla satdıqdan sonra böyük bir qalmaqalın mərkəzində qalıb. Sənətçi fırıldaqçılığın qurbanı olduğunu iddia edib və məhkəməyə müraciət edib. Məhkəmə Dolinanın tərəfini tutub və alıcıdan ödəniş tələb etmədən mənzili ona qaytarıb, nəticədə həm mənzil, həm də pul qalmayıb. Lurye Ali Məhkəməyə şikayət edib və məhkəmə qərarları dəyişdirilib və mənzil onun ixtiyarında qaldıb.
Qeyd edək ki, Larisa Dolina 1955-ci il sentyabrın 10-da Bakı şəhərində yəhudi ailəsində anadan olub. Atası Aleksandr Markusoviç Kudelman, anası isə Qalina İzrailevna Kudelmandır.
Bizi Telegram-da izləyin
t.me/lent_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
