Əməkdar artistimiz yaradıcılıq planlarını açıqladı
26 sentyabr 2011 12:07 (UTC +04:00)

Əməkdar artistimiz yaradıcılıq planlarını açıqladı

Azərbaycanda yaşayan və fəaliyyət göstərən müğənni Manana yeni albomunu İngiltərədə yazdırır. Bu barədə Lent.az-a məlumat verən müğənni deyib ki, “Orientasian” adlı yeni albomu üçün o, Çarlz Fosket və Albret Koler ilə birlikdə çalışır: “Mənim Qərbdə gördüyüm işlərlə Albert Koller məşğul olur”.

Manana Yeni İl ərəfəsində yenidən Londona yollanacaq. Yazılan musiqilər sinql şəklində satışa çıxacaq: “Yaradıcılığımda gördüyüm bütün işlərin Qərbdə, Rusiyada, eləcədə doğma vətənim sayılan Azərbaycan və Gürcüstanda diqqət mərkəzində olmasını istəyirəm”.

Müğənni onu da qeyd edib ki, Yeni ildə Gürcüstanın reytinqli proqramlarından birində çıxış edəcək, gürcülərlə birlikdə Köhnə yeni ili qarşılayacaq: “Buna görə Çarlz Fosketlə birlikdə məxsusi olaraq Gürcüstana həsr olunan mahnı yazdırıram”.

Lalə Yusifqızı
# 767

Oxşar yazılar