Xalq artisti qızını öz klipinə çəkib - EKSKLÜZİV

Sözləri Yusif Nəğməkara, musiqisi isə Arif Səlimova aid olan “Gülərim” mahnısının klipini Nail Naiboğlu çəkib.

Məleykə Əsədova bu barədə ilk olaraq Lent.az-a xəbər verib və deyib ki, klipi qızı Gülər üçün oxuyub: “Bu il Gülərin 6 yaşı tamam olur, həm də 1-ci sinfə gedəcək. Qızıma klip hədiyyə etmək istədim. Ona görə də bu klipi çəkdim”.

Aktrisa klipi sentyabrın 12-də qızının doğum günündə təqdim edəcək. Klip pavilyonda çəkilib. Çəkilişlər səhər saat 11-dən başlayaraq gecə yarısına qədər davam edib. Məleykə xanımla birlikdə qızı Gülər də klipə çəkilib. Klipdə aktrisa 7 obrazda olub. Klip xüsusi dekorasiyalarla rəngarəng olub.

Nail Naiboğlu Lent.az-a açıqlamasında aktrisa ilə əməkdaşlığın rahat olduğunu deyib: “14 saata yaxın davam edən çəkilişdə yorğunluq hiss etmədik. O peşəkarlıqla obrazları yaratdı. Təbii ki, bu da Məleykə xanımın aktrisa olmağından irəli gəlir”.

Klipin operatoru Elmir Süleymanov, prodüseri Pərviz Oqtayoğludur. Klip nağıla bənzər çəkilib.

Lalə Yusifqızı