Elza Seyidcahan: “Mənim iyimə həsrət qalacaq” - QALMAQAL

Əməkdar artist Elza Seyidcahan xalq artisti, həmkarı Aygün Kazımova ilə bağlı kəskin açıqlamalar verib. Lent.az-a danışan Elza Seyidcahan Aygün Kazımova ilə qalmaqalının mətbuatda çox işıqlandığını bildirib: “Hələ bu məsələ çox davam edəcək. Çünki məni qalmaqalda görməyiblər. Mən daim öz sənətimlə yadda qalmışam. Qalmaqal mənlik deyil. Buna görə də mən cavab verməli oldum. O, hər zaman çalışır ki, qarşındakını əzsin. Sadəcə mənə şər atılıb. Mənim əlimdə faktlar var. Belə bir söz deyib ki, “Elza Seyidcahan gəlib bizi öpdü, ondan başqa bir ətir iyi gəlirdi”. Bu sadəcə şərdir. Mən onunla nə zaman görüşmüşəm? O bilsin ki, Elza Seyidcahan kimi saf insanların iyinə həsrət olacaq. O insanın ağzından gələn iy Elza Seyidcahandan gələ bilməz. Mən deyərdim ki, adi insandan gələn iyi fırça ilə təmizləmək olar, lakin o insandan gələn üfunət iyini kürəklə, traktorla və ekskavatorla qazsalar təmizləmək olmaz. Çünki gözəl iyi çoxdan itirib. Yenə də mən heç kəsin adını çəkmirəm. Bu sözləri şamil edirəm, mənə şər atan insanlara. Yaxşı bir atalar sözü də var ki, meymun baxar güzgüyə, adını qoyar özgəyə”.

Bizim “Aygün Kazımova ilə barışarsınızmı?” sualına əməkdar artistin cavabı belə oldu: “Mənim heç kəslə işim yoxdur. Mən heç kimlə küsməmişəm. Nədə barışmaq fikrim yoxdur. Mənim səhvim olduğu zaman, mən çıxıb kimdən olsa üzr istəməyə hazıram. Lakin mənim səhvim yoxdur. Mənə bu mövzu barəsində heç kəs sual verməsin. Bu cür ucuz reklamlar mənə gərək deyil”.

Yalçın Süleymanov