Narkotacirlər azərbaycanlı tələbəni cinsi istismar etdilər
06 may 2023 14:56 (UTC +04:00)

Narkotacirlər azərbaycanlı tələbəni cinsi istismar etdilər

Türkiyədə azərbaycanlı tələbənin də üzvü olduğu narkotacir şəbəkəsi ifşa edilib.

Lent.az yerli mediaya istinadla bildirir ki, narkotacir şəbəkəsinin üzvü olan azərbaycanlı tələbə 24 yaşlı A.S.K Zonquldaq Bülent Ecevit univeristeti yaxınlığında silahı itə tuşlayıb. Bunu görənlər universitetin mühafizə xidmətinə məlumat veriblər. Mühafizəçilərin gəldiyini görən A.S.K qaçıb. Qaçarkən silahı əlindən düşüb.

Polis əməkdaşları həmin silahı götürüb və A.S.K-nın axtarışlarına başlayıblar. Azərbaycanlı tələbə üçün dəhşət də bundan sonra başlayır. Belə ki, üzvü olduğu narkotacir şəbəkəsi onu bir evə apararaq olmazın işgəncələr veriblər. Məlumata görə, o burada cinsi istismar edilib və digər işgəncələrə məruz qalıb. Cinayətkar dəstə üzvləri həmin anların görüntüləri ilə A.S.K-nın ailəsindən 500 min lirə (təxminən 43 min 600 manat) məbləğində pul istəyiblər.

Cinayətkar dəstədən xilas olan A.S.K polisə gedərək başına gələnləri və dəstənin fəaliyyətini açıqlayıb. Həmçinin tələbə əvvəllər dəstə tərəfindən hədələndiyi üçün polisə gələ bilməməsini bildirib.

Tələbənin etiraflarından sonra polis əməkdaşları kənardan şəhərə narkotik maddələr gətirən və tələbələri kuryerliyə cəlb etdikləri deyilən dəstə üzvlərinə qarşı əməliyyat keçirib. Nəticədə dəstənin rəhbərləri Ayxan. K. və oğlu Səməd. K., həmçinin daha 6 üzv saxlanılıb.

Polis idarəsində ifadələri alınan A.S.K və 8 dəstə üzvü narkotik ticarəti, qanunsuz azadlıqdan məhrum etmə, soyğunçuluq, şantaj, quldurluq, hədələmək, işgəncə, qanunsuz silah saxlamaq və avtomobil oğurluğu kimi ittihamlarla barələrində cinayət işi başladılıb. İşgəncələr səbəbilə A.S.K.-nın üzündə qançırlar olduğu, qoluna gips vurulduğu müəyyən edilib.

Araşdırmalar edilib.

# 4209
avatar

Mehman Nəbiyev

Oxşar yazılar