Azərbaycan və Avropa İttifaqı əməkdaşlıq sazişi
07 iyul 2009 10:00 (UTC +04:00)

Azərbaycan və Avropa İttifaqı əməkdaşlıq sazişi

Azərbaycan və Avropa İttifaqı (Aİ) arasında aviasiya sahəsində əməkdaşlığa dair saziş imzalanıb.

«APA-ECONOMICS»in məlumatına görə, saziş Aİ-yə üzv dövlətlərin istənilən aviaşirkətinə Azərbaycana uçuşlar həyata keçirmək imkanı verir.

«Razılaşma nəticəsində Avropa İttifaqı ilə Azərbaycan arasında hava nəqliyyatı bazarına ədalətli şəkildə qarşılıqlı çıxışı imkanı əldə olunur. Ayrı-seçkilik aradan qaldırılacaq», - deyə Aİ-nin nəqliyyat üzrə komissarının müavini Antonio Tajani bildirib.

Sənəd həmçinin Aİ dövlətləri ilə Azərbaycan arasında ikitərəfli hava xidmətləri razılaşmalarında milli məhdudiyyətləri aradan qaldıracaq.

Qeyd edək ki, Aİ və Azərbaycan arasında sərnişin daşınması 2000-2007-ci illər arasında 3 dəfə artaraq illik 210 min sərnişinə çatıb. Azərbaycanla hava trafikinin ən sıx olduğu Aİ üzvləri İngiltərə, Almaniya və Avstriyadır.
# 1080

Oxşar yazılar