13 mağazada yararsız məhsul aşkarlandı - SİYAHI

İqtisadi İnkişaf Nazirliyi yanında Antiinhisar Siyasəti və İstehlakçıların Hüquqlarının Müdafiəsi Dövlət Xidməti ticarət mərkəzlərində apardığı monitorinqlərin nəticəsini açıqlayıb. Bu dəfə yoxlamalar Bakı və Gəncə şəhərlərini, eləcə də Qax və Tərtər rayonlarını əhatə edib.

Nazirliyin mətbuat xidmətindən Lent.az-a bildiriblər ki, monitorinq zamanı 13 mağazanın hər birində istifadə müddəti ötmüş yararsız məhsullar aşkarlanıb. Mağazaların böyük əksəriyyəti yenə də paytaxt Bakının payına düşür. Həmin mağazaları bunlardır:

Bakının Nəsimi rayonunda

- 3-cü mikrorayon, H.B.Əliyev küçəsi, ev 36/48 ünvanında Rahim Salamova məxsus mağazada;
- 3-cü mikrorayon, Cavad Xan küçəsi, ev 16, mənzil 33 ünvanında yerləşən “Samir-98 market”də;
- 3-cü mikrorayon, R.Məmmədov küçəsi, ev 23, mənzil 1 ünvanındakı “İnci market”də;
- 2-cü mikrorayon, Cavad Xan küçəsi, ev 48, mənzil 1 ünvanında yerləşən “Sizin market”də;
- İ.Həmidov küçəsi, 3 ünvanındakı “Qlobus market”də;
- Moskva prospekti, ev 46 ünvanında Həyəti Məlikova məxsus mağazada;
- M.Rəfili küçəsi, ev 27 ünvanında Ramin Məmmədova məxsus mağazada;

Yasamal rayonunda

- H.Zərdabi küçəsi, ev 593 ünvanında “Cənub Ticarət” MMC-yə məxsus mağazada;
- X.Məmmədov küçəsi, 1C ünvanında yerləşən “Bizim market”də;

Gəncə şəhərində

- Keçid küçəsində Qnyaz Əsgərova məxsus mağazada;
- V.Teleşkova küçəsi, ev 38, mənzil 1 ünvanında Elmar Əhmədova məxsus mağazada;

Qax şəhərində

- İ.Mustafayev küçəsində yerləşən “Könül” mağazasında;

Tərtər rayonunda

- Ə.Paşayev küçəsindəki “İki qardaş market”də.

Monitorinq zamanı ümumi çəkisi 455 kiloqram olan saxlama müddəti ötmüş və etiketlənməsi normativ-texniki sənədlərin tələblərinə uyğun olmayan ərzaq məhsulları satışdan çıxarılıb. Kolbasa məmulatları, makaron və un məmulatları, süd və süd məhsulları, qənnadı məmulatları, bal, yağlar, konservləşdirilmiş məhsullar, quru meyvələr, pivə, mineral sular, sərinləşdirici içkilər, şirələr, uşaq yeməkləri və digər məhsullardan ibarət saxta məhsulların hamısı məhv edilib.

Elxan SALAHOV