TBC Kredit Londonda Mikromaliyyə İnvestisiya Sammitində iştirak edib
18 oktyabr 2010 13:20 (UTC +04:00)

TBC Kredit Londonda Mikromaliyyə İnvestisiya Sammitində iştirak edib

Sammitdə mikromaliyyələşdirmə sahəsində qəbul olunan yeni istiqamətlər və addımlar müzakirə olunmuş, ayrılıqda optimal inkişafa nail olunması, sosial və kommersiya məqsədlərinin təmin edilməsinin zəruriliyi, həmçinin gəlirlilik səviyyəsinin artırılması məqsədilə sənayenin maliyyə və iqtisadi inkişaf məsələlərinə toxunulmuşdur.

Sammitdə müxtəlif ölkələrdən olan maliyyə və investisiya təşkilatlarının nümayəndələri iştirak edirdilər.

TBC Krediti təşkilatın Maliyyə Meneceri, məruzə ilə çıxış edən Aytən Bağırova təmsil edirdi. Aytən Bağırova öz prezentasiyasında TBC Kreditin fəaliyyəti haqqında informasiya, mikromaliyyələşdirmənin şərtləri və kompaniyanın maliyyə göstəriciləri, həmçinin mikromaliyyələşdirmə ilə yanaşı kiçik və orta biznesin kreditləşdirilməsinin məqsədəuyğunluğu haqqında məlumat təqdim etmişdir.

Spikerlər arasında aşağıdakı təşkilatların nümayəndələri var idi: BNP Paribas (Fransa), The Co-operative Bank (Böyük Britaniya), Credit Suisse (İsveçrə), Global Social Investment Funds, Deutsche Bank, EBRD (Böyük Britaniya), The European Investment Bank (Lüksemburq), Grameen Credit Agricole (Fransa), KfW Entwicklungsbank (Almaniya), PricewaterhouseCoopers (Lüksemburq), United Nations Development Programme (Türkiyə).

TBC Kredit hər il mikromaliyyə konfranslarında və sammitlərində iştirak edir ki, bu da kompaniyaya maliyyə-iqtisadiyyat sferasında bütün dünya trendləri haqqında məlumatlı olmağa imkan yaradır.
# 509

Oxşar yazılar