Bakı-Astara sərnişin qatarının hərəkətində ləngimə oldu
19 mart 2010 17:00 (UTC +04:00)

Bakı-Astara sərnişin qatarının hərəkətində ləngimə oldu

Bu gün Bakı-Astara sərnişin qatarının hərəkətində 1,5 saat müddətində ləngimə olub. Bu barədə Lent.az-a qatarda olan sərnişinlərdən biri telefonla məlumat verib. Onun bildirdiyinə görə, qatar Bakıdan saat 08.20-da yola çıxıb, saat 09.30 radələrində Ələtdə dayanıb. Yalnız 1,5 saatdan sonra yola davam edib.

“Azərbaycan Dəmir Yolları” Qapalı Səhmdar Cəmiyyətinin (ASC) mətbuat xidmətinin rəhbəri Nadir Əzməmmədov Lent.az-ın əməkdaşıyla söhbətində məsələdən məlumatsız olduğunu bildirib.

Xatırladaq ki, bir neçə gün əvvəl N.Əzməmmədov Novruz bayramı ilə əlaqədar “Azərbaycan Dəmir Yolları” Qapalı Səhmdar Cəmiyyətinin kollektivinin gücləndirilmiş iş rejimində işləyəcəyini açıqlayıb.

Pərvin ABBASOV
# 593

Oxşar yazılar