Fransalı futbolçu Erik Abidal “Monako”ya keçib. Lent.az-ın klubun rəsmi saytına istinadən verdiyi məlumata görə, 33 yaşlı müdafiəçi ilə sonradan daha bir il uzadıla bilməsi şərti ilə 1 mövsümlük müqavilə bağlanılıb.
Abidal 2000-ci ildə karyerasına elə bu komandada başlayıb. O, “Monako”da 2 il çıxış edib. Təcrübəli oyunçunun sonuncu klubu isə İspaniya “Barselona”sı olub. Futbolçu 2007-ci ildən çıxış etdiyi Kataloniya komandasını bu il qarşılıqlı razılıq əsasında tərk edib.
Qeyd edək ki, Erik Abidal 2012-ci ilin aprelində qaraciyərindəki şişdən uğurlu əməliyyat keçirib. Bu ilin aprelində isə Abidal yaşıl meydanlara qayıdıb. O, 2012-2013-cü il mövsümündə cəmi 5 oyuna çıxıb.
Bizi Telegram-da izləyin
t.me/lent_az
Bizi Instagram-da izləyin
Bizi Facebook-da izləyin
Bizi Twitter-da izləyin
