2012-2013-cü il mövsümündə UEFA versiyası üzrə ən yaxşı futbolçu adına 3 namizəddən ibarət qısa siyahı açıqlanıb. Lent.az-ın məlumatına görə, siyahıya İspaniya “Barselona”sının hücumçusu Lionel Messi, Almaniya “Bavariya”sının yarımmüdafiəçisi Frank Riberi və “Real Madrid”in forvardı Kriştianu Ronaldu düşüb.
Argentinalı, fransalı və portuqaliyalı oyunçular UEFA-ya üzv milli assosiasiyalardan olan jurnalistlər arasındakı sorğuda daha çox səs yığıblar. Qalibin müəyyənləşəcəyi səsvermənin son turu avqustun 29-da Monakoda Çempionlar Liqasının qrup mərhələ püşkatması zamanı baş tutacaq.
Qeyd edək ki, UEFA versiyası üzrə ən yaxşı futbolçuya mükafat 3-cü dəfə veriləcək. Daha öncə “Barsa”nın futbolçuları Lionel Messi və Andres İnyesta fərqləniblər.
Bizi Telegram-da izləyin
t.me/lent_az
Bizi Instagram-da izləyin
Bizi Facebook-da izləyin
Bizi Twitter-da izləyin
