Topaz Premyer Liqası: “Qəbələ” AZAL-ı taxtdan saldı – TURNİR CƏDVƏLİ

Futbol üzrə Topaz Premyer Liqasında VI turun görüşləri keçirilib. Lent.az-ın məlumatına görə, turun son oyununda AZAL evdə “Qəbələ”yə uduzaraq, liderlikdən məhrum olub.

Əvəzində “Qarabağ” “Rəvan”la heç-heçə, “Neftçi” isə “İnter” üzərində inamlı qələbə sayəsində şərikli liderə çevriliblər. “Qəbələ” AZAL-la xallarını bərabərləşdirərək, şəxsi oyundakı qələbə sayəsində 3-cü pilləyə qalxıb.

Hesabat turu “Xəzər Lənkəran”ın ilk qələbəsi ilə əlamətdar olub. Lənkəran səfərinədək ardıcıl 3 dəfə böyük hesablı qələbə qazanan “Bakı” “ağ-yaşıllar” qarşısında məğlubiyyətə düçar olub.

Nəhayət, “Simurq” “böyük qardaş”ı “İnter”dən fərqli olaraq, turu qeyri-sabit çıxış edən “Sumqayıt” üzərində qələbə ilə başa vurub.

12 sentyabr (cümə axşamı)

“Neftçi” (Bakı) – “İnter” (Bakı) – 3:1

Qırmızı vərəqələr: Bruno Bertuççi, 83 - Abdulla Abatsiyev, 83
Qollar: Araz Abdullayev, 14. Karlos Kardoso, 21. Melvin Platye, 45+1 - penalti ilə - Vaqif Cavadov, 67

13 sentyabr (cümə)

“Rəvan” (Bakı) – “Qarabağ” (Ağdam) – 1:1

Qollar: Sebastyan Kastro-Tello, 20 - Corc Leroy, 88

14 sentyabr (şənbə)

“Xəzər Lənkəran” – “Bakı” – 2:1

Qollar: Etame Mbilla, 27; 47 - Mindauqas Kalonas, 8
İstifadə olunmamış penalti: Junior Nildo, 31 (“Xəzər Lənkəran”)

15 sentyabr (bazar)

“Simurq” (Zaqatala) – “Sumqayıt” – 3:1

Qollar: Stepan Polyak, 21; 40. Draqan Çeran, 36 - Pərdis Fərcad-Azad, 90+2

AZAL (Bakı) – “Qəbələ” – 1:2

Qollar: Con Oluremi, 3 - Viktor Mendi, 9. Daniel Subotiç, 31

Qırmızı vərəqə: Amit Quluzadə, 50 (“Qəbələ”)

	komanda	o	q	h	m	t	x
1	Qarabağ	6	4	1	1	11-4	13
2	Neftçi	6	4	1	1	10-5	13
3	Qəbələ	6	4	0	2	10-7	12
4	AZAL	6	4	0	2	7-7	12
5	Simurq	6	3	1	2	7-6	10
6	Bakı	6	3	0	3	13-5	9
7	Xəzər L	6	1	3	2	3-6	6
8	Rəvan	6	1	1	4	3-15	4
9	Sumqayıt	6	1	1	4	5-12	4
10	İnter	6	1	0	5	11-13	3