Topaz Premyer Liqası: “Qarabağ” yenə vahid liderdir

Futbol üzrə Topaz Premyer Liqasının XII turu kifayət qədər məhsuldar alınıb. Lent.az-ın məlumatına görə, turun 5 oyunundan yalnız 1-də qol vurulmayıb.

Bu, autsayder “Sumqayıt”la AZAL arasındakı matça təsadüf edib. Qalan 4 görüşdə azarkeşlər ən azı 5, ümumilikdə 22 qol izləyiblər.

Hesabat turunun “Neftçi” – “Xəzər Lənkəran” və “Qarabağ” – “Xəzər Lənkəran” görüşləri daha böyük marağa səbəb olub. Ən prinsipial rəqiblərin duelində flaqman böyük hesabla qalib gəlib – 4:1. Lakin meydan sahibləri ilk 2 qolu qaydalar çərçivəsində vurmayıblar. Baş hakim Orxan Məmmədov əvvəlcə Bahodir Nasimovun “ofsayd”dan vurduğu qola, sonra isə Mahir Şükürovun penaltini yerinə yetirməmişdən öncə aldadıcı hərəkətinə göz yumub. Qalan 3 qol matçın sonlarında vurulub.

“Bakcell Arena”da ciddi təhlükəsizlik tədbirləri altında baş tutan qarşılaşmaya “Xəzər Lənkəran” azarkeşləri buraxılmayıblar. Bu da səbəbsiz deyil. Ən prinsipial rəqiblərin əvvəlki görüşlərində azarkeşlər və futbolçular arasında insident baş verdiyindən, AFFA İntizam Komitəsi Lənkərana “Neftçi”nin, Bakıdakı matça isə “Xəzər Lənkəran”ın fanatlarının buraxılmamasına dair qərar qəbul edib.

Turun mərkəzi görüşü isə “Qarabağ”la “Qəbələ” arasında keçib. Bu oyunda qapılara 7 qol vurulub. Tofiq Bəhramov adına Respublika stadionunda keçirilmiş matçda meydan sahibləri 4 qolla öndə olduqları vaxt qonaqlar ardıcıl 3 top vurublar. Kifayət qədər maraqlı alınan qarşılaşmada baş hakim Əliyar Ağayev işinin öhdəsindən layiqincə gəlib. Təəssüf ki, bu oyunda da tamaşaçı sayı xeyli az olub. Qələbəni əldən verməyən “Qarabağ” “Neftçi”nin 1 günlük hakimiyyətinə son qoyaraq, yenidən vahid liderə çevrilib. “Qəbələ” isə 3-cü pillədə qalıb.

3 noyabr (bazar)

“Qarabağ” (Ağdam) – “Qəbələ” - 4:3
Qollar: Nikolas Gelaşvili, 26 ; 50. Vüqar Nadirov, 38. Çumbinyo, 65 - Dodo, 70 ; 85. Leonardo, 77

“Sumqayıt” – AZAL (Bakı) - 0:0

2 noyabr (şənbə)

“Neftçi” (Bakı) – “Xəzər Lənkəran” - 4:1
Qollar: Bahodir Nasimov, 45. Mahir Şükürov, 65-pen. Ernest Nfor, 90. Flavinyo, 90+2 - Etame Mbilla, 90+1

“İnter” (Bakı) – “Rəvan” (Bakı) - 3:2
Qollar: Baçana Tsxadadze, 5. Vaqif Cavadov, 11. Brüs Abdulaye, 82 - Ramazan Abbasov, 15. Miloş Adamoviç, 90

1 noyabr (çərşənbə)

“Bakı” – “Simurq” (Zaqatala) - 3:2
Qollar: Əfran İsmayılov, 18; 73 – hər ikisi pen. Rauf Əliyev, 78 - Patrik Osiako, 43, Nicat Qurbanov, 84

Yuri Syomin

	komanda	o	q	h	m	t	x
1	Qarabağ	12	8	3	1	24-7	27
2	Neftçi	12	7	4	1	18-8	25
3	Qəbələ	12	7	1	4	20-13	22
4	Bakı	12	5	3	4	21-14	18
5	İnter	12	5	1	6	21-18	16
6	AZAL	12	4	4	4	11-15	16
7	Simurq	12	3	5	4	11-12	14
8	Xəzər L	12	3	4	5	10-17	13
9	Rəvan	12	1	4	7	7-24	7
10	Sumqayıt	12	1	3	8	5-20	6