Şəkidə çövkən oyunlarının açılışı olub - YENİLƏNİB
17 dekabr 2013 10:46 (UTC +04:00)

Şəkidə çövkən oyunlarının açılışı olub - YENİLƏNİB

Şəki rayonunda Prezident Kuboku uğrunda çövkən milli oyunlarının açılış mərasimi keçirilib.


 

APA-nın Şəki-Zaqatala bürosunun məlumatına görə, Mədəniyyət və Turizm Nazirliyinin təşkilatçılığı və Şəki şəhər İcra Hakimiyyətinin dəstəyi ilə keçirilən yarışlar Şəki rayonunun Daşüz kəndində yerləşən Respublika Atçılıq Turizm Mərkəzində təşkil edilib.

 

Açılış mərasiminə mədəniyyət və turizm naziri Əbülfəz Qarayev, Şəki şəhər İcra Hakimiyyəti başçısının təhsil, səhiyyə və mədəniyyət məsələləri üzrə müavini Zərinə Cavadova və  rayon ictimaiyyətinin nümayəndələri qatılıb. Ə. Qarayev çıxışında ölkə rəhbərliyinin xüsusi diqqəti və dəstəyi sayəsində milli çövkən oyununun UNESCO-nun qeyri-maddi mədəni irsinə daxil edildiyini, bu yarışların artıq ənənə halını almasının fərəhləndirici olduğunu bildirib.

 

Dekabrın 22-dək davam edəcək yarışların keçirilməsində məqsəd qədim milli oyunları qoruyub saxlamaq, qədim tarixə malik atçılıq ənənələrinin bərpası, atçılıq turizminin təbliği və inkişafı, habelə gənc nəsildə bu sahəyə marağın oyadılmasıdır. Yarışlara ölkənin 20 rayonunu təmsil edən komandalar qatılıb.

 

Komandalar çövkən, sür-papaq, papaq və atüstü güləş oyunları üzrə güclərini sınayacaqlar. Yarışların sonunda münsiflər heyətinin qərarı ilə qalib komandalar Mədəniyyət və Turizm Nazirliyinin diplom və mükafatları ilə təltif ediləcək.

 

Qeyd edək ki, Prezident Kuboku uğrunda çövkən milli oyunları 2006-cı ildən başlayaraq Mədəniyyət və Turizm Nazirliyinin təşkilatçılığı və Şəki şəhər İcra Hakimiyyətinin dəstəyi ilə keçirilir. Budəfəki yarış sayca səkkizincidir.

 

# 949
avatar

Oxşar yazılar

Xabi Alonsonun karyerasını davam etdirmək  variantları   AÇIQLANDI

Xabi Alonsonun karyerasını davam etdirmək variantları AÇIQLANDI

29 fevral 2024 , 19:01
Poqbaya 4 il oynamaq qadağan edildi

Poqbaya 4 il oynamaq qadağan edildi

29 fevral 2024 , 18:25
Klublararası dünya çempionatının keçirilmə  tarixi və yeri   AÇIQLANDI

Klublararası dünya çempionatının keçirilmə tarixi və yeri AÇIQLANDI

29 fevral 2024 , 16:45
Belə penalti görməmişdiniz - VİDEO

Belə penalti görməmişdiniz - VİDEO

29 fevral 2024 , 14:39
"Liverpul"da hamımız üçün  xüsusi bir həftə   oldu

"Liverpul"da hamımız üçün xüsusi bir həftə oldu

29 fevral 2024 , 12:00
Ronaldoya AĞIR CƏZA:  oyuna buraxılmayacaq

Ronaldoya AĞIR CƏZA: oyuna buraxılmayacaq

29 fevral 2024 , 09:45
Xankəndi-Bakı marafonuna start verildi

Xankəndi-Bakı marafonuna start verildi

29 fevral 2024 , 07:15
“Trabzonspor” yarımfinalda

“Trabzonspor” yarımfinalda

28 fevral 2024 , 23:00