İspaniyanın “Real Madrid” klubunun futbolçusu Kriştianu Ronaldu komanda yoldaşı Məsut Özilin İngiltərə “Arsenal”ına satılmasına qəzəblənib. Lent.az-ın AS nəşrinə istinadən verdiyi məlumata görə, bu barədə portuqaliyalı hücumçu millinin düşərgəsindəki komanda yoldaşlarına bildirib.
Ronaldu deyib ki, türk əsilli almaniyalı yarımmüdafiəçi onu meydanda daha yaxşı anlayırmış: “Mən başa düşmürəm ki, “Real Madrid” Özil kimi oyunun nəticəsini təkbaşına həll edən oyunçudan necə qurtulub?”
Qeyd edək ki, “Real Madrid” Məsut Özili transfer pəncərəsinin son günündə 45 milyon avroya satıb. Yarımmüdafiəçi “Arsenal”da “kral klubu”ndakından 2 milyon avro çox – ildə 7 milyon avro qazanacaq. Ronaldu və Özil 2010-cu ildən birgə çıxış edirdi. Bu müddətdə portuqaliyalı hücumçu almaniyalı yarımmüdafiəçinin ötürməsindən sonra 27 qol vurub.
Bizi Telegram-da izləyin
t.me/lent_az
Bizi Instagram-da izləyin
Bizi Facebook-da izləyin
Bizi Twitter-da izləyin
