Qurbanovdan vəd:"Almaniyada daha yaxşı oynayacağıq"

“Həqiqətən yaxşı komandaya qarşı oynayırdıq. Çox formalaşmış heyəti var. Azarkeşlərimizin belə komanda görməyiniz yaxşı haldı”. Lent.az-ın xəbərinə görə, bunu “Qarabağ”ın baş məşqçisi Qurban Qurbanov deyib.

Ağdam təmsilçisinin çalışdırıcısı Avropa Liqasının pley-off mərhələsinin ilk oyununda “Ayntraxt”a uduzduqları oyundan sonra fikirlərini açıqlayıb.

“Bu, bizim üçün böyük təcrübədir. İnanırdıq ki, ən azı burda məğlub olmayacağıq.
İlk dəqiqələrdən diqqətsizlik oldu. Bu qolu gözləmirdik. Həmin epizoda baxacağıq.
Rəqib cərimə meydanında təhlükəlidir. Hər birinin yüksək ustalıq səviyyəsi var.
Hər 2 qolu vuran 14 nömrə öz sözün dedi” – deyə, Qurbanov bildirib.

Qurbanov azarkeşlərə görə məyus olduqlarını da vurğulayıb: “Ötən il Avropada olmadıq, ancaq bu dəfə sizləri sevindirdik. Stadiona gələn çoxlu azarkeşlərə sevindirə bilmədiyimizə görə məyus olduq. Biz kiçik ölkələr çox güclü komandalara qarşı mübarizə aparmağa başlayrıq. Bilirəm ki, cavab oyunu haqda sual verəcəksiniz. Onu deyə bilərəm ki, Almaniyada bundan yaxşı oynayacağıq. Azarkeş dəstəyi böyük olsa da, çəkinmədən oynayacağıq. Ancaq buna qədər çempionatda Qəbələdə oyunumuz var. Çalışacağıq ki, komandanı ona tam hazırlayaq”.