“Xəzər Lənkəran” klubu Türkiyənin Antalya bölgəsində keçirdiyi təlim-məşq toplantısının son günündə daha bir futbolçu ilə rəsmən müqavilə bağlayıb. Lent.az-ın klubun rəsmi saytına istinadən məlumatına görə, makedoniyalı Deyan Blajevski 1,5 illik anlaşmaya imza atıb.
Hücumda və yarımmüdafiənin solunda çıxış edən 28 yaşlı Blajevski peşəkar futbolçu karyerasına yerli "Pelister"də başlayıb. 2008-ci ildən o, Yunanıstanın "Asteras", "Veria" və "Pierikos" klublarında çıxış edib. Blajevskinin son klubu Makedoniya “Turnovo”su olub. Bu komandada iki ilə 40 qola imza atan futbolçu hazırkı mövsümün ilk yarısından sonra 19 qolla Makedoniya çempionatının bombardirlər siyahısına başçılıq edir. Makedoniya milli komandasının heyətində iki oyun keçirmiş Blajevski burada da 1 dəfə fərqlənməyi bacarıb.
Qeyd edək ki, “Xəzər Lənkəran” qış transfer dövründə Slavik Alxasov, Orxan Əliyev, Vyekoslav Tomiç və Tyeqo de Jesusu da heyətinə qatıb.
Bizi Telegram-da izləyin
t.me/lent_az
Bizi Instagram-da izləyin
Bizi Facebook-da izləyin
Bizi Twitter-da izləyin
