İndoneziyanın Palembanq şəhərində keçirilən III İslam Həmrəyliyi Oyunlarına yekun vurulub. Lent.az-ın məlumatına görə, bağlanış mərasimində Azərbaycan üçün əlamətdar hadisə baş verib.
İslam Həmrəyliyi İdman Federasiyasının prezidenti Şahzadə Nəvaf ibn Faysal ibn Fəhd ibn Əbdüləziz Oyunların bayrağını növbəti təşkilatçı ölkə olan Azərbaycana təhvil verib. IV İslam Həmrəyliyi Oyunları 2017-ci ildə Bakıda keçiriləcək.
Qeyd edək ki, III Həmrəylik Oyunlarında Azərbaycan idmançıları 24 medal (6 qızıl, 9 gümüş, 9 bürünc) qazanıblar. Karateçilərimiz 3 qızıl, 2 gümüş, atletlərimiz 2 qızıl, 2 bürünc, üzgüçülərimiz 1 qızıl, 1 gümüş, 1 bürünc, ağırlıqqaldıranlarımız 3 gümüş, 2 bürünc, taekvondoçularımız 1 gümüş, 3 bürünc, uşu ustalarımız 1 gümüş, 1 bürünc, oxatanımız isə 1 gümüş medala sahib olub.
Bizi Telegram-da izləyin
t.me/lent_az
Bizi Instagram-da izləyin
Bizi Facebook-da izləyin
Bizi Twitter-da izləyin
