Bu gün Avrokuboklarda iki aylıq fasilə başa çatır. Apasport.az saytının məlumatına görə, iki qarşılaşma ilə Çempionlar Liqasında (ÇL) həlledici mərhələyə start veriləcək.
Parisdə keçiriləcək günün mərkəzi görüşündə PSJ “Çelsi”ni qəbul edəcək. Fransa birinciliyində çempionluğu böyük ölçüdə təmin edən Paris təmsilçisindən fərqli olaraq, londonlular bütün diqqətlərini məhz ÇL-ə yönəldiblər. Çünki Premyer Liqada uğursuz mövsüm keçirən “Çelsi”nin ilk “dördlüy”ə düşməsi real görünmür. Günün digər matçında “Zenit” “Benfika”nın qonağı olacaq. Portuqaliyadan fərqli, Rusiyada ikinci dövrə start götürmədiyindən, bu, Sankt-Peterburq klubunun 2016-cı ildəki ilk rəsmi görüşü olacaq.
Bu gün UEFA Avropa Liqasında fasilə başa çatacaq. Apasport.az saytının məlumatına görə, turnirin 1/16 final mərhələsinə İstanbuda start veriləcək. “Fənərbaxça” Rusiya təmsilçisi “Lokomotiv”lə qarşılaşacaq. Oyuna prinsipiallıq qatan əsas məqamlardan biri iki ölkə arasındakı siyasi gərginlikdi.
Çempionlar Liqası
1/8 final, ilk oyunlar
16 fevral
23:45. PSJ (Fransa) – “Çelsi” (İngiltərə)
Baş hakim: Karlos Velasko Karbalyo
23:45. “Benfika” (Portuqaliya) – “Zenit” (Rusiya)
Baş hakim: Canluka Rokki
Avropa Liqası
1/16 final, ilk oyun
16 fevral
21:00. “Fənərbaxça” (Türkiyə) – “Lokomotiv” (Rusiya)
Baş hakim: Martin Stromberqsson
Bizi Telegram-da izləyin
t.me/lent_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
