Çövkən UNESCO-nun Qeyri-Maddi Mədəni İrsi Siyahısında

Azərbaycan və UNESCO arasında doğma, işgüzar əlaqə yaranıb. APA TV-nin xəbərinə görə, Bakıda keçirilən UNESCO-nun Qeyri-Maddi Mədəni İrsin Qorunması üzrə Hökumətlərarası Komitəsinin 8-ci sessiyasının açılışında çıxıç edən baş nazirinin müavini Elçin Əfəndiyev deyib ki, son illər ərzində Azərbaycan və UNESCO arasında əlaqələr daha da genişlənir. Daha sonra Azərbaycan prezidenti İlham Əliyevin sessiyasa iştirakçlarına məktubu oxunub. Məktubda deyilir ki, konvensiyanın qəbul edilməsi ötən müddət ərzində dünyada mədəni müxtəlifliyin təşviqi və qeyri-maddi maddi irsin qorunması istiqamətində beynəlxalq strategiyaların həyata keçirilməsində əhəmiyyətli rol oynayıb: "UNESCO Azərbaycanın öz müstəqillini bərpa etdikdən sonra üzv olduğu ilk beynəlxalq təşkilatdır. Onun fəaliyyət dairəsinə aid bütün sahələrdə əməkdaşlıq Azərbaycan dövlətinin hər zaman diqqət mərkəzində olub".

Qeyri-Maddi Mədəni İrs üzrə 2003-cü il Konvensiyasının dünyada geniş auditoriya tərəfindən qəbul olunduğunu deyən Azərbaycanın mədəniyyət və turizm naziri Əbülfəs Qarayev deyib ki, sessiya zamanı həmçinin Konvensiyanın 10 illik yubileyi də qeyd olunacaq. O qeyd edib ki, bu Konvensiya 195 ölkənin 155 üzvü tərəfindən yüksək göstərici ilə qəbul edilib. Onun 10 illik yubileyinin bu ilə təsadüf etməsi tədbirin əhəmiyyətini daha da artırır.

UNESCO-nun baş direktoru İrina Bokova isə videomüraciətində mədəni irsin qorunması sahəsində Azərbaycanın fəaliyyətini yüksək dəyərləndirib. O bildirib ki, Azərbaycan Böyük İpək Yolunda mədəniyyət mərkəzi kimi böyük tarixə malikdir.

Sessiyanın gündəliyində duran ən əsas məsələ Təcili Qorunmaya Ehtiyacı Olan Qeyri-Maddi Mədəni İrsin Siyahısı və Bəşəriyyətin Qeyri-Maddi Mədəni İrsinin Reprezentativ Siyahısı üzrə qərar verilməsidir. Təcili Qorunmaya Ehtiyacı Olan Qeyri-Maddi Mədəni İrsin Siyahısında Azərbaycanın qədim Çövkən oyunu da yer alıb