Bu gün AVRO-2020-nin seçmə mərhələsində III tura start veriləcək

Bu gün AVRO-2020-nin seçmə mərhələsində III tura start veriləcək.

APA-nın məlumatına görə, iki gün davam edəcək tur 5 qrupun oyunları ilə başlayacaq.

Qruplardan üçündə 2, ikisində 3 matç baş tutacaq. A qrupunun lideri İngiltərənin istirahət etdiyi turda digər komandalar ikincilik mübarizəsini davam etdirəcək. Monteneqro Kosovonu, Çexiya isə Bolqarıstanla ev oyununa çıxacaq.

B qrupunun favoriti Portuqaliyanın oynamadığı tur Ukrayna üçün fərqi artırmaq imkanı yaradıb. Serbiyanı qəbul edəcək lider üstünlüyünü artıra bilər. Lüksemburq isə Vilnüsdə Litva ilə görüşəcək.

İrlandiya lideri olduğu D qrupundakı növbəti matçında Danimarka ilə səfərdə üz-üzə gələcək. Qrupun autsayderləri Cəbəllütariqlə Gürcüstan sonuncuların meydanında qarşılaşacaq.

F qrupunun liderlərini asan sınaq gözləyir. İspaniya Farer adalarının qonağı olacaqsa, İsveç Maltanı qəbul edəcək. Təxminən eyni səviyyəli Norveçlə Rumıniyanın görüşü daha çox maraq kəsb edir.

Polşa lideri olduğu G qrupundakı izləyicisi Makedoniyanın qonağı olacaq. İsrail isə Latviyada üç xal qazanmaq əzmindədir. Qrupun digər oyununda Avstriya ilə Sloveniya münasibətlərini ayırd edəcək.

Qeyd edək ki, tura iyunun 8-də keçiriləcək oyunlarla yekun vurulacaq.

AVRO-2020-nin seçmə mərhələsi
III tur
7 iyun

A qrupu
22:45. Monteneqro – Kosovo
Baş hakim: Daniele Orsato (İtaliya)
Podqoritsa. Şəhər stadionu
22:45. Çexiya – Bolqarıstan
Baş hakim: Tamaş Boqnar (Macarıstan)
Praqa. Generali stadionu

1	İngiltərə	2	2	0	0	10-1	6
2	Bolqarıstan	2	0	2	0	2-2	2
3	Kosovo	1	0	1	0	1-1	1
4	Monteneqro	2	0	1	1	2-6	1
5	Çexiya	1	0	0	1	0-5	0

B qrupu
22:45. Ukrayna – Serbiya
Baş hakim: Antonio Mateu Lahoz (İspaniya)
Lvov. “Lvov Arena”
22:45. Litva – Lüksemburq
Baş hakim: Adam Farkaş (Macarıstan)
Vilnüs. LFF stadionu

1	Ukrayna	2	1	1	0	2-1	4
2	Lüksemburq	2	1	0	1	3-3	3
3	Portuqaliya	2	0	2	0	1-1	2
4	Serbiya	1	0	1	0	1-1	1
5	Litva	1	0	0	1	1-2	0

D qrupu
20:00. Gürcüstan – Cəbəllütariq
Baş hakim: Antti Munukka (Finlandiya)
Tbilisi. Boris Payçadze stadionu
22:45. Danimarka – İrlandiya
Baş hakim: Cüneyt Çakır (Türkiyə)
Kopenhagen. “Tella Parken” stadionu

1	İrlandiya	2	2	0	0	2-0	6
2	İsveçrə	2	1	1	0	5-3	4
3	Danimarka	1	0	1	0	3-3	1
4	Cəbəllütariq	1	0	0	1	0-1	0
5	Gürcüstan	2	0	0	2	0-3	0

F qrupu
22:45. İsveç – Malta
Baş hakim: Rob Hervi (İrlandiya)
Solna. “Friends Arena” stadionu
22:45. Norveç – Rumıniya
Baş hakim: Sergey Karasyov (Rusiya)
Oslo. “Ullevol” stadionu
22:45. Farer adaları – İspaniya
Baş hakim: Enea Jorji (Albaniya)
Torshavn. “Torsvallur” stadionu

1	İspaniya	2	2	0	0	4-1	6
2	İsveç	2	1	1	0	5-4	4
3	Rumıniya	2	1	0	1	5-3	3
4	Malta	2	1	0	1	2-3	3
5	Norveç	2	0	1	1	4-5	1
6	Farer adaları	2	0	0	2	2-6	0

G qrupu
22:45. Latviya – İsrail
Baş hakim: Sergey İvanov (Rusiya)
Riqa. “Dauqava” stadionu
22:45. Makedoniya – Polşa
Baş hakim: Canluka Rokki (İtaliya)
Skopye. Todor Proeski adına Milli stadion
22:45. Avstriya – Sloveniya
Baş hakim: Aleksey Kulbakov (Belarus)
Klaqenfurt. Vorthersi stadionu