Azərbaycan – Rusiya matçının bileti 100 manata!

AFFA Azərbaycan milli komandasının 2014-cü il dünya çempionatının seçmə qrup mərhələsi çərçivəsində Şimali İrlandiya və Rusiya yığmalarına qarşı keçirəcəyi son 2 ev oyununa bilet satışı ilə bağlı yeni kampaniyaya start verib. Lent. az-ın məlumatına görə, oktyabrın 11-də və 15-də “Bakcell Arena”da baş tutacaq matçlara biletlərin müəyyən hissəsi güzəştli şərtlərlə satılacaq.

Daha dəqiqi, 2 oyuna 1 bilet satılacaq. Bu kampaniyadan faydalanmaq istəyən azarkeşlər sektorundan asılı olaraq 10 və 12 manata 2 oyun üçün (Azərbaycan - Şimali İrlandiya və Azərbaycan - Rusiya) bilet əldə etmək hüququ qazanacaq. Biletlərin qalan hissəsi isə hər oyun üçün ayrılıqda satılacaq.

Kateqoriyalar	Azərbaycan - Şimali İrlandiya (tək bilet)	Azərbaycan - Rusiya (tək bilet)	Azərbaycan - Şimali İrlandiya Azərbaycan - Rusiya (2 oyuna bir bilet )
1-ci kateqoriya	6 AZN	10 AZN	12 AZN
2-ci kateqoriya	4 AZN	8 AZN	10 AZN
VİP	50 AZN	100 AZN	---

Qeyd edək ki, yeni kampaniyaya bilet satışına başlayan gün - sentyabrın 20-i, saat 12:00-da start veriləcək. Biletləri "Bakcell Arena"-nın kassalarından, Park Bulvar Alış-Veriş və 28 MaII Ticarət Mərkəzlərindən almaq olar.