AZAL minimal hesabla qalib gəldi

Avqust 23-ündə Topaz Premyer Liqasında IV tur başlayıb. Apasport.az saytının məlumatına görə, ilk oyun günündə bir oyun keçirilib.

Ötən tur “İnter”i səfərdə məğlub edərək turnir cədvəlinin 4-cü pilləsində qərarlaşan AZAL doğma arenada “Sumqayıt”ı qəbul edib. Üç turdan sonra 6 xal toplayan Vaqif Sadıqovun yetirmələri bu oyunda da rəqibi minimal hesabla məğlub edərək turnir cədvəlinin 3-cü pilləsinə yüksəlib.

Yeni mövsümün ilk qələbəsini çempionata iddialı başlayan “Qəbələ” üzərində qazanan “Sumqayıt” isə bu qarşılaşmadan xalla ayrılmaq niyyətində idi. İkinci hissədə iki qırmızı vərəqə alaraq azlıqda qalan Aqil Məmmədovun komandası rəqibə müqavimət göstərə bilməyib və 1:0 hesabı ilə məğlub olub.

Qeyd edək ki, turun növbəti oyun günündə “Simurq” – “Bakı” qarşılaşması keçiriləcək.

AZAL – “Sumqayıt”- 1:0

QOL: Con Oluremi, 45+2

Qırmızı vərəqə: Kərim Diniyev, 55, Məhəmməd Mirzəbəyov, 73

Hakimlər: Vüsal Əliyev, İsgəndər Əliyev, Zeynal Zeynalov, Ömər Paşayev

Bakı. “AZAL Arena” stadionu

AZAL: 12. Cahangir Həsənzadə (k), 3. Aleksandr Şemonayev, 4. Jose Junior Ailton, 8. Qərib İbrahimov, 10. Con Oluremi, 15. Oskars Klava, 17. Viktor İqbekoyi, 18. Samuel Barlay, 20. Branislav Arsenyeviç, 22. Ruslan Tağızadə, 32. Vladimir Boqdanoviç
Ehtiyat oyunçular: 1. Ruslan Məcidov, 2. Xuan Fransisko, 23. Tural Nərimanov, 5. Murad Ağayev, 7. Cavid Tağıyev, 28. Emin Cəfərquliyev, 16. Freddi Borq
Baş məşqçi: Vaqif Sadıqov

“Sumqayıt”: 1. Anar Nəzirov, 2. Slavik Alxasov, 5. Kərim Diniyev, 8. Aqşin Muxtaroğlu, 10. Ruslan Qurbanov, 17. Adil İbrahimov, 18. Aleksandr Çertoqanov (k), 21. Məhəmməd Mirzəbəyov, 27. Nurlan Novruzov, 86. Elşən Abdullayev, 91. Vüqar Əsgərov
Ehtiyat oyunçular: 12. Elçin Sadıqov, 3. Vurğun Hüseynov, 4. Samir Abasov, 11. Ruslan Nəsirli, 22. Zaur Həşimov, 77. Mirzağa Hüseynpur, 92. Bəxtiyar Həsənalızadə
Baş məşqçi: Aqil Məmmədov