Avropa Liqası: Millimiz Fransaya qalib gəldi

Bu gün qadın voleybolçular arasında Avropa Liqasında start verilib.

Apasport.az saytının məlumatına görə, B qrupunda yer alan Azərbaycan yığması ilk görüşünü Fransa millisinə qarşı keçirib.

Monteneqroda baş tutan görüşdə Faiq Qarayevin yetirmələri rəqibinə set verməyib. İlk hissədə 25:9 hesablı aşkar qələbə qazanan millimiz digər iki setdə çətinliklə üzləşsə də (25:23, 26:24), yekunda qalib gəlməyi bacarıb.

B qrupu

3 iyun

Azərbaycan – Fransa - 3:0 (25:9, 25:23, 26:24)

Hakimlər: Çavdar Marev (Bolqarıstan), Miryana Qaliç (Bosniya və Herseqovina)

Qeyd edək ki, qrupumuzun digər görüşündə ev sahibləri İspaniya ilə oynayacaq.