İspaniyanın “Atletiko” klubunun futbolçusu Arda Turanın Portuqaliya “Portu”su ilə Çempionlar Liqası matçında qələbə topunu “ofsayd”dan vurduğu müəyyənləşib. Lent. az-ın məlumatına görə, “Draqao” stadionundakı matçın 87-ci dəqiqəsində standart vəziyyət yerinə yetirilərkən, türkiyəli yarımmüdafiəçi rəqib komandanın oyunçularından bir qədər irəlidə olub.
Lakin yan xətt hakimi bunu diqqətdən qaçırıb. Matçın ingiltərəli referisi Hovard Uebb isə qolu hesaba alıb. Nəticədə “Azerbaijan Land of Fire” formalı “Atletiko” ardıcıl 2-ci qələbəsinə nail olub – 2:1.
Qeyd edək ki, daha öncə “Atletiko” Rusiya “Zenit”ini yenib – 3:1. Bununla da Madrid təmsilçisi 6 xalla G qrupunun vahid liderinə çevrilib.
Bizi Telegram-da izləyin
t.me/lent_az
Bizi Instagram-da izləyin
Bizi Facebook-da izləyin
Bizi Twitter-da izləyin
