Avqustun 30-da İngiltərənin “Çelsi” və Almaniyanın “Bavariya” komandaları arasında keçiriləcək UEFA Super Kuboku uğrunda matçın hakimlər briqadası müəyyənləşib. Lent.az-ın məlumatına görə, oyunu isveçli referi Yonas Eriksson idarə edəcək.
Eriksson 2009-cu ildə İsveçin ən yaxşı futbol hakimi sayılıb. O, Avropa kuboklarında indiyədək 75 oyun idarə edib. 39 yaşlı baş hakimə həmyerlilərindən Matias Klasenius və Daniel Varnmark yan xətt, Ştefan Uittberq 4-cü hakim, Ştefan Yohannesson və Markus Strömberqsson isə əlavə ehtiyat hakimlər qismində yardımçı olacaqlar.
Qeyd edək ki, Super Kubok matçı Çexiyanın paytaxtı Praqadakı “Eden” stadionunda keçiriləcək. Görüşün UEFA nümayəndəsi AFFA-nın baş katibi Elxan Məmmədov olacaq.
Bizi Telegram-da izləyin
t.me/lent_az
Bizi Instagram-da izləyin
Bizi Facebook-da izləyin
Bizi Twitter-da izləyin
