"Qalatasaray" - "Yuventus" matçının vaxtı açıqlandı - YENİLƏNİB - 3

UEFA-nın qərarına əsasən, matç dekabrın 11-də Bakı vaxtı ilə saat 17:00-a təyin edilib. Oyun elə "Türk Telekom Arena"da qaldığı yerdən davam etdiriləcək.

*****

10.02

Sonda oyunun təxirə salınmasına dair qərar verilib. Matçın konkret tarixi dekabrın 11-də açıqlanacaq. Qarşılaşma qaldığı yerdən davam etdiriləcək.

***

00.45

Meydanın təmizləndiyi müddətdə Proensa hakimlər briqadası ilə birgə sahəyə daxil olub və yenidən baxış keçirdikdən sonra geri qayıdıb. O, kapitanlar Səlçuk İnan və Canluici Buffonla söhbət edib. Azarkeşlər isə tribunaları boşaltmayıblar.

***

00.22

Futbol üzrə Çempionlar Liqasında B qrupunda keçirilən "Qalatasaray" (Türkiyə) - "Yuventus" İtaliya matçı 33 dəqiqə 30-cu saniyədə dayandırılıb. Lent.az-ın məlumatına görə, səbəb matçın keçirildiyi "Türk Telekom Arena"ya yağan qarın meydandakı xətləri görünməz hala salmasıdır.

Portuqaliyalı baş hakim Pedro Proensa komandaları paltardəyişmə otağına göndərərək, 20 dəqiqə ərzində meydanın təmizlənməsini istəyib.

Qeyd edək ki, matç dayandırılarkən, hesab 0:0 olub.