"Qarabağ" "Sabah"ı qəbul edəcək

Sabah Topaz Premyer Liqasında XXIV tura start veriləcək.

ONA-nın məlumatına görə, iki gün davam edəcək turun bütün oyunları Bakıda keçiriləcək.

İlk oyun gününə Zirədə start veriləcək. Premyer Liqada qalmaq uğrunda mübarizə aparan komandaların duelində “Sumqayıt” “Zirə”nin qonağı olacaq.

Günün digər qarşılaşmasında meydana son 5 mövsümün çempionu “Qarabağ” çıxacaq. Ağdam klubu yarışın debütantı “Sabah”la üz-üzə gələcək.

Turun ikinci günü “ASK Arena”dakı görüşlə başlayacaq. Son pillədə qərarlaşan “Keşlə” avrokuboklar iddiasında olan “Qəbələ”ni qəbul edəcək.

Mərkəzi oyunla yekun vurulacaq turun son matçında liderlər qrupunda yer alan iki komanda görüşəcək. Çempionatın lideri “Neftçi” bürünc medal arzusunda olan “Səbail”in qonağı olacaq.

Qeyd edək ki, növbəti turun oyunları aprelin 18-19-da baş tutacaq.

Topaz Premyer Liqası

XXIV tur

13 aprel (şənbə)

“Zirə” – “Sumqayıt”

Hakimlər: Əliyar Ağayev, Zeynal Zeynalov, Akif Əmirəli, Rauf Allahverdiyev

Hakim-inspektor: Babək Quliyev

AFFA nümayəndəsi: Maşallah Əhmədov

Zirə İdman Kompleksinin stadionu, 16:00

“Qarabağ” – “Sabah”

Hakimlər: İnqilab Məmmədov, Rahil Ramazanov, Pərvin Talıbov, Rəşad Əhmədov

Hakim-inspektor: İmanxan Sultani

AFFA nümayəndəsi: Rüfət Əmirov

Tofiq Bəhramov adına Respublika Stadionu, 18:30

14 aprel (bazar)

“Keşlə” – “Qəbələ”

Hakimlər: Vüqar Həsənli, Mübariz Haşımov, Cəmil Quliyev, Rövşən Rəcəbov

Hakim-inspektor: Ramil Diniyev

AFFA nümayəndəsi: İlham Əliyev

“ASK Arena”, 15:00

“Səbail” – “Neftçi”

Hakimlər: Səbuhi Bayramov, Knyaz Əmiraslanov, Nahid Əliyev, Kamal Umudlu

Hakim-inspektor: Rövşən Əhmədov

AFFA nümayəndəsi: Nihad Məmmədov

“Bayıl Arena”, 18:00

N	Klublar	O	Q	H	M	T-F	X
1	Neftçi	23	15	6	2	41-17	51
2	Qarabağ	23	15	6	2	49-19	51
3	Səbail	23	10	4	9	27-25	34
4	Qəbələ	23	7	9	7	25-25	30
5	Sabah	23	7	5	11	19-31	26
6	Zirə	23	5	7	11	21-34	22
7	Sumqayıt	23	5	5	13	18-36	20
8	Keşlə	23	5	4	14	22-35	19