[b]Acınacaqlı futbol hesabı - 22:0[/b]

17 yaşadək qızlar arasında Avropa çempionatının seçmə mərhələsinin Bakıda keçirilən qrup oyunları nadir hadisə ilə əlamətdar olub. Apasport.az saytının məlumatına görə, İspaniya millisinin Monteneqronu 22:0 hesabı ilə yenməsi tarixə düşüb.

Bu, pireneylilərin yarışın tarixindəki ən böyük hesablı qələbəsi olub. 2007/08 mövsümündən keçirilən yarışın daimi iştirakçısı olan İspaniyanın buna qədər rekordu 21:0 idi. Onlar Ermənistanı belə darmadağın etmişdi ki, Bakıda həmin rekordu yenilədi.

Ümumilikdə isə İspaniya – Monteneqro matçı bu turnirdə 20 və daha çox top fərqinin qeydə alındığı 5-ci oyundu. Maraqlıdı ki, bütün görüşlər Qafqazla bağlıdı. Ermənistan və Gürcüstan hərəyə 2 darmadağın görüb, Azərbaycan isə ilk dəfə belə nəticə ilə bitən görüşə ev sahibliyi edib.

17 yaşadək qızların yarışındakı mütləq rekord 8 il əvvəl İtaliya – Gürcüstan matçında qeydə alınıb – 27:0.

17 yaşadək qızlar arasında Avropa çempionatlarının ən böyük hesablı 5 nəticəsi

18.10.2009. İtaliya – Gürcüstan – 27:0 (İsveçrə)

16.10.2007. Danimarka – Ermənistan – 24:0 (Makedoniya)

16.10.2009. İsveçrə - Gürcüstan – 23:0 (İsveçrə)

02.10.2017. İspaniya – Monteneqro – 22:0 (Azərbaycan)

26.10.2009. İspaniya – Ermənistan – 21:0 (Serbiya)