[b]85 idmançımız Avropa Oyunlarına lisenziya qazanıb[/b]

İyunun 21-30-da Belarusun paytaxtı Minskdə keçiriləcək II Avropa Oyunlarında iştirak hüququ qazanan Azərbaycan idmançıların sayı müəyyənləşib.

ONA-nın məlumatına görə, bu günə qədər 85 atletimiz Minsk-2019-a vəsiqə əldə edib.

Bu idmançılardan 52-si kişi, 33-ü qadındır. Təmsilçilərimiz yarışın proqramına daxil edilən 15 idman növündən 11-də medallara iddia edəcək.

Ölkəmiz hələlik yalnız stolüstü tennis, atletika, çimərlik futbolu və basketbolun 3X3 növündə II Avropa Oyunlarına lisenziya qazanmayıb. İştirakçıların reytinqə görə müəyyənləşdiyi komanda idman növlərini nəzərə almasaq, mayın sonuna qədər davam edəcək təsnifat xarakterli yarışlarda təmsilçilərimizin və idman növlərinin sayının artması istisna deyil.

İdmançılarla yanaşı, Minskə 40 nəfərlik Azərbaycan nümayəndə heyətimiz də yollanacaq.

Növ	Kişi	Qadın	Cəmi
Kamandan oxatma	-	1	1
Atletika	-	-	-
Badminton	1	-	1
Basketbol (3X3)	-	-	-
Çimərlik futbolu	-	-	-
Boks	10	1	11
Kanoe	-	1	1
Velosiped idmanı Trek Şosse	3 - 3	- - -	3 - 3
Gimnastika Akrobatika Aerobika İdman gimnastikası Bədii gimnastika Batut gimnastikası və tamblinq	5 1 - 2 - 2	9 1 - 1 6 1	14 2 - 3 6 3
Cüdo	9	9	18
Karate	4	2	6
Sambo	6	1	7
Atıcılıq Güllə atıcılığı Stend atıcılığı	2 1 1	3 1 2	5 2 3
Stolüstü tennis	-	-	-
Güləş Sərbəst güləş Qadın güləşi Yunan-Roma güləşi	12 6 - 6	6 - 6 -	18 6 6 6
	52	33	85