“Qarabağ” xal itirsə də, liderliyi ələ keçirdi

Bu gün Topaz Premyer Liqasında VI turun növbəti oyunu keçirilib. Apasport.az saytının məlumatına görə, ikinci oyun günündə də bir görüş baş tutub.

Çempionatın liderlər sırasında yer alan “Qarabağ” səfərdə “Rəvan”ın qonağı olub. Lakin Vladislav Qədirovun yetirmələri heç də özlərini autsayderlərdən biri kimi aparmayıblar. Belə ki, hesabı açan “Rəvan” matçın başa çatmasına 2 dəqiqə qalana qədər inamla müdafiə olunub. Lakin son anda “Qarabağ”ın təcrübəsi köməyinə gəlib və Corc Leroyun vurduğu qol ağdamlıları məğlubiyyətdən xilas edib.

Buna baxmayaraq, Qurban Qurbanovun komandası 1 günlük də olsa liderliyə yüksələn “Neftçi”ni yenidən qabaqlayıb. Onlar top fərqinə görə zirvəyə qalxıblar.

Qeyd edək ki, VI tur sabah saat 19:00-da keçiriləcək “Xəzər Lənkəran” – “Bakı” qarşılaşması ilə davam edəcək.

“Rəvan” – “Qarabağ” - 1:1
QOL: Sebastyan Kastro-Tello, 20 - Corc Leroy, 88
Hakimlər: Səbayel Qurbanova, Azər Əsgərov, Mübariz Haşımov, Ömər Paşayev
“Bayıl Arena” stadionu

“Rəvan”: 1. Lukaş Sapela, 5. Aqil Nəbiyev, 9. Elnur Abdulov, 10. Sebastyan Kastro-Tello, 14. Xuan Manuel Varea, 19. Hüseyn Axundov, 20. Miloş Adamoviç, 21. Novruz Məmmədov (k), 30. Cəmşid Məhərrəmov, 38. İvan Pexa, 40. Mişel Balokoq
Ehtiyat oyunçular: 85. Kamal Bayramov, 6. Ceyhun Cavadov, 8. Frederik Holster, 11. Kamil Nurəhmədov, 27. Rəşad Abdullayev, 29. Əziz Quliyev, 33. Sohib Savankulov
Baş məşqçi: Vladislav Qədirov

“Qarabağ”: 1. Fərhad Vəliyev, 2. Qara Qarayev, 9. Reynaldo Silva, 14. Rəşad Sadıqov (k), 16. Corc Leroy, 17. Vüqar Nadirov, 18. İlqar Qurbanov, 20. Riçard Almeyda, 25. Ansi Aqolli, 55. Bədavi Hüseynov, 70. Marinaldo da Silva
Ehtiyat oyunçular: 89. Miro Varvodiç, 5. Maksim Medvedev, 6. Hacı Əhmədov, 7. Namiq Yusifov, 10. Muarem Muarem, 11. Nikolas Gelaşvili, 88. Ulrix Kapolonqo
Baş məşqçi: Qurban Qurbanov

	komanda	o	q	h	m	t	x
1	Qarabağ	6	4	1	1	11-4	13
2	Neftçi	6	4	1	1	10-5	13
3	AZAL	5	4	0	1	6-5	12
4	Qəbələ	5	3	0	2	8-6	9
5	Bakı	5	3	0	2	12-3	9
6	Simurq	5	2	1	2	4-5	7
7	Sumqayıt	5	1	1	3	4-9	4
8	Rəvan	6	1	1	4	3-15	4
9	İnter	6	1	0	5	11-13	3
10	Xəzər L	5	0	3	2	1-5	3

Bombardirlər: Cavid Hüseynov (Bakı), Bahodir Nasimov (Neftçi), Marinaldo da Silva (Qarabağ), Mindauqas Kalonas (Bakı), Viktor İqbekoyi (AZAL), Baçana Sxadadze (İnter) - 3 qol